سوريا بيت أهلنا

‏ 🇸🇾 (سوريا).. بيت أهلنا🌷
إنشالله ما تكون هالخبرية مفشكلة بس هيك فكرت …
يقع بيت أهلي على الطرف الجنوبي لحي القيمرية .. ومو بعيد عن أثر الحضارة الرومانية أكثر من دقيقة ونص مشي باتجاه الجنوب
(باب توما) ..
وبإتجاه الشمال منمشي ثلاث دقائق كمان لنوقف أمام تتمة حضارة الرومان الفظيعة
( طالع الفضة )..
واذا مشينا باتجاه الشرق ثلاث دقائق أخرى منوصل ل…
( باب شرقي )..
والفكرة هون بهالسؤال
قديش في تاريخ محيط فينا وكلو حضارات وثقافات وديانات وقيم وأفكار ..!!!
وقديش يا ترى كمان نحنا منستحقو ؟؟؟؟
ما بعرف:
قديش عنّا أخطاء مخباية بحق بيت أهلنا ؟؟
( وكلنا ) بدون إستثناء ..؟؟؟؟
ببيت أهلنا منغلط بدون ما نفكر بمسؤولية الغلط نفسو كما يجب ..
الأهل بيتحملو وبيحملو أخطاء أولادهم بالغريزة والفطرة .. وتحديداً الأم …..
الأم ( بالتعبير الشامي ) بتاكلها بجنابها دائماً وبتسكت ..
المعنى :
نحن في بيت الأهل لا نفكر بالخطأ لكننا نقع فيه حتماً
والأهل الذين يتحملون أخطاء أولادهم ويقبلونها ويعملون على تخفيف وطأتها وأثرها يكونون بذلك العمل قد جعلو من بيتهم معملاً لطموح الجميع دون استثناء ومكاناً لتجارب التفكير في الأيام القادمة لأولادهم .. أليس كذلك ؟؟؟
إرفعو علم سوريا في بيوت أهلكم فكل البيوت ( سوريا )..
ومن منّا بلا خطأ ؟؟؟
كل عام وانتم وبيوت أهاليكم بألف خير
🌷✍🏻عباس النوري 🌷

تعليقات الزوار

اكتب تعليقك

لن يتم نشر عنوان بريدك الإلكتروني. الحقول الإلزامية مشار إليها بـ *