أفكار مبعثرة (5)

أفكار مبعثرة (5)
١-تعالو نعطي نصف وقتنا يلي بيصادرو منا الموبايل والانترنت والفيس والواتس وغيرو
لشوية رياضة ( ولو مشي بالشوارع )….
مو منستفيد أكثر ؟؟
٢-جربو تتركو المويايل أو تنسوه فعلاً بالبيت
شو راح يصير ؟؟
٣-أهمية الموبايل أكيدة لتحقيق إتصال مباشر وسريع وما بيتوفر بالهاتف العادي
بس لاحظو أنو الوقت يلي بيضيع لبينما نلاقي هاتف أرضي نحنا مامنكون عم نختصرو بالموبايل بقدر ما الموبايل نفسو بيعنقلنا فيه
وبعدين باسيدي ونتأخر بهالإتصال شوي .. شو حتخرب الدنية ؟؟؟
٣- وانتبهوالموبايل يمكن عم يعودنا عادات أمنية
يعني نحنا حاملين معنا بهالموبايل كل الناس يلي بتعرف حركة يومنا
هادا غير انو هو لهلق تكنولوجيا منستخدمها على عماها وعندي شك كبير انو هالجهاز متلو متل دورية المخابرات بس مخباية فينا بالجيبة او بالشنطة او بغيرها .. والألعن انو نحنا منخبيها بايدنا ومنخاف عليها تنسرق او تضيع..
٤-يعني صرنا نخاف حدى يسرق المخابرات المدحوشة فينا ومنا وفينا
٥- هادا طبعاً غير التكنولوجيا يلي بقلبو وما منعرف عنها شي وعلى ذمتي وبالتأكيد اسرائيل وأمريكا ومدري مين كمان صارو يعرفو عنّا كل شي
٦-ومو بعيدة أبداً يكون لهالموبايل دور بتشكيل مجتمعات الشرق الأوسط الجديد
-لاحظو فعل النت بالفيس وغيرو وكيف انفجرت عبقريات المجتمع المكبوت وصار فيه انقسامات مجتمعية وطائفية ومناطقيك وعرقية وقومية واختلطت المفاهيم ببعضها والثقافة صارت بضربة لايك او كومنت مسروق .. هادا غير التزوير للصفحات والاشاعات والمنابر المشكوك بأمرها او يلي مزروعة قصداً للشغب على المجتمع
( أفيخاي ادرعي ) مثال ممتاز ( انشالله تكونًو عرفتوه لهالحقيز )
وصار كل مين عندو رأي بأي قضية يفوت ويلغي أياً كان ويعطي رأيو بأي شي جتى لو مابيفهم فيه بس المهم يشارك .. بطعمة وبلا طعمة..
-لاحظتو مثلاً كمية الامتيازات والأوبشن يلي زادت بهالموبايل مع حفلة الربيع العربي !!
– زمان كنا نقول كل ديك على مزبلتو صياح
والمشكلة بهالأيام كترت الديوك وكلهم عم يصيحو على مزبلة واحدة …
والله من وراء القصد
✍🏻عباس النوري

تعليقات الزوار

اكتب تعليقك

لن يتم نشر عنوان بريدك الإلكتروني. الحقول الإلزامية مشار إليها بـ *