أفكار مبعثرة (4)

أفكار مبعثرة (4)
١-في كل جمهوريات العرب (بس)..ارتمت فوق رؤوس الشعوب كل القضايا المصيرية
دفعة واحدة ….
وصار هم المجتمع كيف بدو يحل مشكلة
الصراع الطبقي مشان يعملو اشتراكية
وكيف بدو يحرر فلسطين
وكيف بدو يحرر المرأة
وكيف بدو يحرر العامل والفلاح
وكيف بدو يكون ملتزم بقضايا أمته
الواحدة (؟؟)
وكيف بدو يحمي القومية العربية
وكيف بدو يعمل تنمية وبنى تحتية
وكيف بدو يحمي حدوده
وكيف لازم ينشّط الاقتصاد الوطني
وكيف لازم يخدم الخدمة الإلزامية
والإحتياطية
والإحتفاظ وغيرو وغيرو
( بإختصار شعوب الجمهوريات مو ملاقية
لهلق وقت لتعيش ..)
و٩٨٪؜ من الشعب عم يستنى رواتبو ليدفع منها المجهود الحربي وضريبة الدخل وضريبة الرفاهية اذا رّكب تلفون وضريبة ترابية وفواتير كهرباء بتضل عم تنزعلًو برادو وغسالتًو ومكوايتًو ومدري شو كمان .
وبيضل عم يدفع هون وهون
وبيتدين وبيشتغل شغلة تانية وتالتةو و .
وبيفيق عالشعارات يلي السما نفسها يمكن ملّت منها وبينام عليها وبيحلم يعيش ..
بس يعيش
٢-طيب ليش بس شعوب الجمهوريات مطلوب منها كل هالشي ؟؟
٣- ولاحظو أنو كل حكومات الجمهوريات مرتاحة وولا على بالها منوب منوب منوب
( حدى يقولي لاأ ..!!!)
أحلى بيوت وأحلى سيارات وأحلى امتيازات فوقها ..
وبعتقد بعد كل هالعمر مع هالقضايا صرنا نفهم ونعرف كلنا شو يعني (امتيازاااااات )
وخصوصي بهالوقت يلي ماصفي مسؤولية مو محطوطة براس هالشعب ..
عنّا أزمة وحرب ودمار والأمور بعد كل هالتضحيات العظيمة بدت تنجلي وبدينا بنهايات هالحرب اللعينة ..
مو لازم بقى نفكر بعدها
أنو ( نعيش )
بس ( نعيش )..
✍🏻عباس النوري

تعليقات الزوار

اكتب تعليقك

لن يتم نشر عنوان بريدك الإلكتروني. الحقول الإلزامية مشار إليها بـ *